金鐘站做超級轉車站?根本設計有疏漏

金鐘站 喺呢個月底會做超級轉車站,港島線、南港島線和荃灣線都喺呢度轉車……轉車設計,適唔適合香港,我好懷疑……

金鐘站 喺呢個月底會做超級轉車站,港島線、南港島線和荃灣線都喺呢度轉車,遲啲仲有東鐵線。呢啲萬佛朝中式轉車設計,適唔適合香港,我好懷疑。至少未必適合 金鐘站 。

要做超級轉車站,除咗要大量空間,應付各線嘅轉車人流外,仲有,如果呢類轉車站,要應付長途旅客,其實入閘後地區一係有商場,提供一定基本服務,一係就係車站出閘外地區,本身係一個巨型商場,甚至兩者皆有,例如東京車站、大阪車站、京都車站之類龐然巨物。

金鐘站 做荃灣線港島線轉車站,其實已經好勉強,放工時間 金鐘站 轉車月台企滿人唔係新聞,南港島線肯定令情況惡化,但最大挑戰係東鐵線,因為東鐵線係跨境鐵路,又係主要郊區通勤鐵路,大家諗吓如果 金鐘站 入閘後區域唔夠大,兼且乜嘢商業服務都無,將會係點嘅情況。

其實 金鐘站 要面對大量通勤旅客,甚至跨國旅客,可能要將海富中心以及樂禮街停車場好似東京站大規模改建,同埋容許轉車區域設立食肆,放寬港鐵逗留喺已付費區域嘅時間限制。因為可以肯定,乘客等n架車,都未必上到車,簡直係東京式通勤惡夢嚟。

黃世澤

控制老闆車嘅正確 派牛肉乾態度

作為中環人,當然深受中環嘅交通問題困擾。而中環嘅老闆車正係問題所在,準確啲講,香港政府嘅派牛肉乾態度,正係老闆車泛濫嘅原因。我心目中對老闆車嘅派牛肉乾態度,應該好似以下英國差人咁:

作為中環人,當然深受中環嘅交通問題困擾。而中環嘅老闆車正係問題所在,準確啲講,香港政府嘅派牛肉乾態度,正係老闆車泛濫嘅原因。我心目中對老闆車嘅派牛肉乾態度,應該好似以下英國差人咁:

依家香港簡單嚟講,就係派牛肉乾俾啲老闆車唔夠,對於職業司機,其實應該俾番足夠上落客貨區,唔應該派咁多牛肉乾俾佢地;但老闆車唔係,呢啲車阻礙交通,而且對民生全無幫助,每半個鐘派一張牛肉乾差唔多,仲未計我見過喺中上環,有人攞雪糕筒喺霸位嘅黐線現象,簡直係一啲道理都無。

如果話動用警察嚟抄牌怕浪費,香港咁多退役差人,與其派佢地做陳維安隻狗或者叫佢地退役後開桑拿,點解唔叫佢地做兼職交通督導員,佢地反正受專業抄牌訓練,我可以講,如果政府肯下定決心向啲老闆車派牛肉乾,中環交通大為暢順,無論牛肉乾收入,定係因交通暢順而得到嘅經濟利益,都肯定遠多於請呢班兼職黃腳𩶘要嘅公帑,絕對係本小利大,係睇政府有無決心咁做。

對果啲老闆車,我個人係忍夠。

黃世澤

何文田站又係官商勾結?

港鐵近年好鍾意興建啲伏味十足嘅車站,西營盤站同香港大學站已經玩人唔駛本,依家何文田站簡直係中伏之霸,愛民邨居民係行餐死至去到「 何文田站 」……

港鐵近年好鍾意興建啲伏味十足嘅車站,西營盤站同香港大學站已經玩人唔駛本,依家何文田站簡直係中伏之霸,愛民邨居民係行餐死至去到「 何文田站 」。

其實用地圖一睇, 何文田站係喺何文田,只不過係紅磡同何文田交界,實際受益係曲街一帶居民。

何文田站
何文田站

真正用到何文田站嘅,其實係曲街、必嘉街、蕪湖街果帶嘅舊樓。咪住?舊樓?咁邊個地產商可以食糊?

根據《大公報》8月31日資料,恆基地產己經申請強拍何文田站附近嘅舊樓,準備大規模發展,大動食指。

點解明明係紅磡北部,又要叫何文田站 ,仲要何文田愛民邨居民走餐死,係咪呢個站嘅命名,以至恆地喺當地收購舊樓嘅策略,又係一個官商勾結,利益輸送嘅事?

拍板決定何文田站果陣,做運房局局長果個叫鄭汝樺,而鄭汝樺依家住緊嘅京士柏山豪宅,係恆基嘅盤,而恆基天匯事件,鄭汝樺同恆基搞緊乜嘢事,大家亦相當心照。命名何文田站 ,但位置又近恆基喺紅磡果堆盤,係咪會令恆基容易賣得高價啲,你話曲街係紅磡,就唔值呢個錢,但你話近何文田站喎就可以claim自己係何文田樓。

所以有人叫政府改站名做老龍坑,呢啲有晒發財大計嘅命名,政府睬你都傻。

黃世澤

Formula E 香港是與非

Formula E 終於喺香港舉行,照理論睇,新加坡比香港更加細,澳門都比香港更加細,都舉行到格蘭披治大賽車,點解香港舉行唔到 Formula E 。但 Formula E 舉行第一日,中環交通混亂,又唔俾市民圍觀,市民怨聲載道。

Formula E 終於喺香港舉行,照理論睇,新加坡比香港更加細,澳門都比香港更加細,都舉行到格蘭披治大賽車,點解香港舉行唔到 Formula E 。但 Formula E 舉行第一日,中環交通混亂,又唔俾市民圍觀,市民怨聲載道。
Formula E 係應該搞,香港維港賽車有佢嘅魅力,但香港嘅安排,就膠到無朋友。
formula e
(formula E,照片本人自拍,如欲使用,請向本人查詢)

1. 新加坡 Formula One 嘅賽事係夜賽,下午就有熱身賽事,夜晚就堅搞,呢個安排就少咗好多混亂情況。香港 Formula E 係星期六放工時間嚟第一場練習賽,中環交通唔搞到亂七八糟就奇。更何況,香港最有魅力就係夜晚,點會日間搞賽事咁膠?

2. 如果 Formula E 喺中環灣仔繞道啟用後舉行,相信賽道設計有更多可能性,亦更少擾民。香港海傍 Formula E 賽事嘅邏輯,類似 Marina Bay 嘅新加坡賽道,問題係, Marina Bay 果帶嘅路,包括 Nicoll Highway 尾段,都唔再係新加坡主要幹道,而龍和道至今仍係主要道路之一,直至中環灣仔繞道啟用為止。如果中環灣仔繞道啟用,中環-灣仔賽區嘅設計會更刺激。

3. 但更大問題係對旁觀人士嘅心態,我明FIA好著重門票收入,但 Formula E 多少有公關味道,係賣環保多過賣速度,我喺中環係咁睇過吓個速度,我只會覺得整場石油氣亡命小巴賽仲刺激十倍。FIA點解唔可以俾人喺行人天橋圍觀呢?而警察嘅Crowd Control,更加係引發民怨。

Formula E 應該搞,但唔該香港班搞手,下次plan好啲,唔該。我都想有一日,可以有維港 Formula One大賽車(或者再加場 小巴賽車賽事,一定精彩)。

黃世澤

香港仔隧道未飽和?由政府文件睇政府如何9up

喺城市規劃委員會審議鴨脷洲海傍用地嘅規劃申請果陣,竟然有人話塞到傻嘅香港仔隧道未飽和,所以果塊咁貴嘅海傍地,好應該改變做住宅用途。

(圖片來自香港巴士大典)

喺城市規劃委員會審議鴨脷洲海傍用地嘅規劃申請果陣,竟然有人話塞到傻嘅香港仔隧道未飽和,所以果塊咁貴嘅海傍地,好應該改變做住宅用途。

我發現香港啲政客fact check能力好差,其實只要搵南區區議會文件,可以駁到呢啲9up官員體無完膚。

(香港仔隧道)
(香港仔隧道)

根據今年二月運輸署發俾南區區議會嘅文件《有關連接南區與港島北岸各主要走廊的交通情況報告》, 香港仔隧道嘅繁忙時間容車量唔超過1.0,即係仲有剩餘容量,果位官員話香港仔隧道未飽和,表面上係無錯。

但運輸署係有附帶補充:

香港仔隧道的行車量/容車量比例正常,但不時會出現擠塞情況,需要進行間歇性封閉。主要原因是其北行的交通,在繁忙時段受到堅拿道天橋北行落 橋處的車輛互相切線,及車輛排隊進入海底隧道或灣仔/銅鑼灣一帶所影響,或因一些交通事故,以致行車緩慢,甚至令隧道管道需要短暫間歇性封閉。長遠解決方法是有待港鐵南港島線的開通及中環灣仔繞道的完成。

香港仔隧道無飽和,不過堅拿道頂唔順之嘛,你話依家香港啲官9up技術去到乜水平,唔翻查文件,好似美國傳媒對付Trump咁,搵一隊實時fact checker檢查佢地講啲嘢嘅真實性,佢地就可以暪天過海。所以依家做政客議員,係要打醒十二分精神。

黃世澤

古怪嘅西營盤站 :唔能夠俾港鐵玩晒嘅理由

對西營盤站一帶居民嚟講,港鐵出現本來係好事,因為去中環快好多,兩個站就到。只不過,現實係 西營盤站 嘅居民,好多仍然係要依賴巴士特快線同小巴,搭港鐵簡直係中伏體驗。[…]所以,奉勸運吉署,唔好吓吓有地鐵就取消晒啲小巴、巴士服務,如果出現西營盤站 嘅情況,取消晒啲小巴、巴士服務,真係啲居民日日同你返工做運動,叫天不應,叫地不聞,荒謬到爆。

對西營盤站一帶居民嚟講,港鐵出現本來係好事,因為去中環快好多,兩個站就到。只不過,現實係西營盤站嘅居民,好多仍然係要依賴巴士特快線同小巴,搭港鐵簡直係中伏體驗。

大家睇吓西營盤站地圖,就明乜嘢一回事

西營盤站-1-768x889

為咗照顧白痴嘅區議員,貪心嘅地產商,結果西營盤站 嘅位置係in the middle of nowhere,無論你由般含道、奇靈里、第一街定德輔道西入,你都要行五至九分鐘,有啲出入口,你要侷等電梯(般含道),或唔等電梯實中伏(奇靈里),大佬,你要行十幾分鐘至去到地鐵站,我唔坐番巴士或電車算。

所以,奉勸運吉署,唔好吓吓有地鐵就取消晒啲小巴、巴士服務,如果出現西營盤站 嘅情況,取消晒啲小巴、巴士服務,真係啲居民日日同你返工做運動,叫天不應,叫地不聞,荒謬到爆。

黃世澤
(原文刊於黃世澤 Martinoei 網誌)

獅子山隧道都要大修。無第四條海隧留名睇香港交通有幾大劑

獅子山隧道最後由於有路段啲路爛不堪用,太過牙煙,政府要逢禮拜日封鎖慢線維修,上個禮拜未整完,所以今個禮拜,獅子山隧道又整過。[…]但海底隧道又點,至依家,海底隧道都無類似大埔公路、尖山隧道等角色嘅替代隧道,如果有朝一日,海底隧道好似獅子山隧道 咁要大修,請問成個港島同九龍嘅交通玩唔玩得起?唔好唔記得,海底隧道係1972年通車,只係比獅子山隧道年青幾年咁大把。

獅子山來源:維基媒體基金會

獅子山隧道最後由於有路段啲路爛不堪用,太過牙煙,政府要逢禮拜日封鎖慢線維修,上個禮拜未整完,所以今個禮拜,獅子山隧道又整過。

獅子山隧道兩條管道,一條有成五十年歷史,一條都接近四十年歷史,所以大修係合情合理。依家由於尖山隧道啟用,加上出入沙田同市區,有四條隧道(城門隧道、尖山隧道、獅子山隧道、大老山隧道),加一條大埔公路,所以封條慢線,仲叫勉強封得起,至少尖山隧道流量大把貨,而且隧道費用 獅子山隧道 係一樣。

但海底隧道又點,至依家,海底隧道都無類似大埔公路、尖山隧道等角色嘅替代隧道,如果有朝一日,海底隧道好似獅子山隧道 咁要大修,請問成個港島同九龍嘅交通玩唔玩得起?唔好唔記得,海底隧道係1972年通車,只係比獅子山隧道年青幾年咁大把。

我留名睇屆時香港交通可以幾大劑,起第四條海底隧道,根本係事在必行,我寧願停晒港珠澳大橋、中國高鐵香港段嘅工程,先搞掂第四條海隧先。

黃世澤
(原文刊於黃世澤 Martinoei 網誌)

八達通霸權幾時停?

Autotoll 霸權固然係電子道路收費嘅一大障礙,除非政府可以解決咗佢,否則一定造成問題。只不過,Autotoll嘅競爭對手八達通喺港鐵庇蔭下,亦唔好得好多。喺香港眾多人嘅祖國英國,倫敦運輸局嘅巴士、鐵路,全部唔只接受運作模式抄八達通嘅蠔卡(Oyster Card),基本上,絕大部分國際通行支援NFC嘅付款卡,包括Visa, Mastercard等(銀聯就唔好意思,唔受),全部都接受,海外都接受,Apple Pay都接受!

Autotoll 霸權固然係電子道路收費嘅一大障礙,除非政府可以解決咗佢,否則一定造成問題。只不過,Autotoll嘅競爭對手八達通喺港鐵庇蔭下,亦唔好得好多。

喺香港眾多人嘅祖國英國,倫敦運輸局嘅巴士、鐵路,全部唔只接受運作模式抄八達通嘅蠔卡(Oyster Card),基本上,絕大部分國際通行支援NFC嘅付款卡,包括Visa, Mastercard等(銀聯就唔好意思,唔受),全部都接受,海外都接受,Apple Pay都接受!

講真,香港嘅地鐵NFC系統,一早已經唔係Felica玩晒,八達通本身係Felica,但港鐵嘅單程飛唔少係NXP Mifare嚟,即係一早用晒NFC,既然係咁,點解港鐵同香港各大巴士公司,唔開放個平台出嚟,唔只方便遊客,而係要促進競爭。特別港鐵係政府做大股東嘅企業, 八達通 依家個霸權根本係政府屈機嘅結果。唔只港鐵,政府運輸署啲咪錶都係,如果咪錶係開放平台,可以避免到幾多唔記得增值八達通,結果食牛肉乾嘅慘劇至得,呢個世界要人人事必要申請八達通自動增值架?

可以咁講,如果容許NFC拍卡,港鐵少咗一大棚遊客排隊買單程飛嘅奇景,運作效率亦會好好多,就算唔記得帶八達通,都可以是但攞張拍住賞或enjoy card頂住先。點解倫敦運輸局呢方面,先進過香港咁X多。

黃世澤
(原文刊於 黃世澤 Martinoei 網誌)

香港搞電子道路收費?想益邊個先?

香港政府一直密謀搞電子道路收費 ,當然,香港政府好多政策,依家都係想謀利財團。比起新加坡嘅電子道路收費平台政策,再比照依家香港白痴到駕易通玩X晒嘅政策,就知道電子道路收費 本身,都係想輸送利益俾契丹。

香港政府一直密謀搞電子道路收費,當然,香港政府好多政策,依家都係想謀利財團。比起新加坡嘅電子道路收費平台政策,再比照依家香港白痴到駕易通玩X晒嘅政策,就知道電子道路收費本身,都係想輸送利益俾契丹。

電子道路收費-1

喺新加坡,任何一張可以用嚟搭地鐵同巴士嘅智能卡(唔計地鐵單程飛),都印住ERP字樣,因喺新加坡,無論你用ez-link卡,定係Nets flashpay卡,都可以插入 電子道路收費 讀卡機度,用嚟俾ERP費用,依家你揸住花旗銀行新加坡信用卡,網上登記後,連卡唔駛入,直接過ERP,之後喺信用卡度計數。(如果新加坡DBS Credit Card,請登記Motorpay)

香港呢?快易通大股東係港通控股,港通控股大股東係重慶李嘉誠之稱嘅張松橋,大家都知快易通係幾X麻煩一個系統。每月收月費,仲要安裝同申請麻煩。依家香港成街八達通,泊車都係八達通,但各大隧道仲係用唔到八達通,你話發生緊乜事?

唔該政府講清楚Autotoll呢舊蘇州屎點處理,至好講乜叉電子道路收費。

黃世澤
(原文刊於黃世澤 Martinoei 網誌)

老闆車與中環塞車

首先,公平啲講,中環唔夠位泊車係問題。而中環最多車位嘅地方,非律政中心(舊政府總部)莫屬。以前英治年代,舊政總車位係開放俾公眾放工後泊,紓緩中環車位不足壓力,係董建華條仆街要扮大枝嘢至收埋晒啲車位。既然公屋車位都攞得去賣,不如咁,律政中心啲車位都開放俾公眾,留番少量俾有需要嘅公務員,我相信老闆車 好樂意俾幾千蚊租益政府。

老闆車 ,差不多全中環都知,呢個至係中環塞車嘅真正元兇。喺中環,以下老闆車 亂咁泊情況好普遍。-老闆車-e1470321471203

要解決中環塞車,係要解決老闆車 問題,佢地區區幾舊水牛肉乾都未怕過,你以為電子道路收費嚇到佢地,太天真。

首先,公平啲講,中環唔夠位泊車係問題。而中環最多車位嘅地方,非律政中心(舊政府總部)莫屬。以前英治年代,舊政總車位係開放俾公眾放工後泊,紓緩中環車位不足壓力,係董建華條仆街要扮大枝嘢至收埋晒啲車位。既然公屋車位都攞得去賣,不如咁,律政中心啲車位都開放俾公眾,留番少量俾有需要嘅公務員,我相信老闆車 好樂意俾幾千蚊租益政府。

另一方面,對付老闆車 ,最有效招數係牛肉乾金額同首次登記稅掛鈎。總之非Uber或酒店用貴價車,牛肉乾金額係首次登記稅嘅若干百分比,咁唔涉及私隱喇。咁樣,我唔信仲有 老闆車 會亂泊一通。如果有人仲咁豪氣要益香港政府,我都唔拘嘅。

黃世澤
(原文刊於 黃世澤 Martinoei 網誌)